SANTIAGO DE COMPOSTELA, 15 decembro 2009
A Consellería de Educación e Ordenación Universitaria decidiu, como medida de precaución, a suspensión das clases en todos os centros educativos de Galicia durante a xornada de mañá, 16 de decembro.
Esta medida tómase en base á predición, feita pola Axencia Estatal de Meteoroloxía (AEMET), dun fenómeno meteorolóxico adverso con precipitacións en forma de neve que afectarán á Comunidade Autónoma de Galicia en cotas baixas a partir das 00.00 horas oficial do mércores 16 de decembro.
Consellería de Educación e Ordenación Universitaria
Este foi o aviso que nos chegou a tódolos centros da Comunidade Autónoma de Galicia. Polo tanto na xornada de mañá non haberá clase, de todas formas os nenos levan unha nota informativa.
A descansar polo tanto un día e esperemos que o temporal non sexa como o Klaus.
Biquiños da profe Cris.
