LETRAS GALEGAS

Posted in Etiquetas:
13:38
O pasado mércores 19, celebramos o Día das Letras Galegas. Xa o iamos facer o pasado xoves 13 pero o tempo non nos deixou polo que decidimos aplazalo para este mércores.
A xornada comezou coas Carreiras Populares. Raúl e os seus axudantes tíñannos marcados os diferentes percorridos, cada un deles para cada un dos diferentes cursos. Nós, os nenos e nenas de infantil, corrimos detrás do edificio do colexio novo e os maiores comezaban tamén alí pero o seu percorrido íase alongando en función do curso.

Corrimos por aulas e houbo medallas para os tres primeiros nenos e para as tres primeiras nenas de cada aula. Os nosos gañadores foron: ALEJANDRO, YASSINE E DIEGO; E REBECA, LORENA E ADRIANA. Dende aquí doulles a noraboa a tod@s, porque tod@s participamos e pasámolo xenial aínda que non leváramos medalla.


















Despois das carreiras, houbo a entrega de medallas a tódolos gañadores coa presencia do alcalde de Mondoñedo, Orlando González Cruz, e do concelleiro, Justo Fernández Haro.

Xa pola tarde, tivemos xogos populares os maiores e os pequenos tivemos diferentes actividades e xogos organizados polos nosos profes. O xogo das sillas, circuitos de psicomotricidade... Pasámolo xenial e disfrutamos do bo tempo que tivemos.

Creo que debemos darlle ás grazas a Raúl pola colaboración prestada, a os seus axudantes e tamén ao Rincón que foi quen donou as medallas.

  • Digg
  • Del.icio.us
  • StumbleUpon
  • Reddit
  • Twitter
  • RSS
Read Users' Comments (1)comentarios

COMO MEDRAN!!!

Posted in Etiquetas: ,
10:19
Como o prometido é deuda, aquí vos imos a deixar dúas fotos. Unha delas é do noso "tagete", que a verdade é que non tiñamos fe en que sobrevivise pero aí o tedes, todo floreado e con pintas de seguir botando flor. Non nos digades que non está precioso!!!

E a outra foto é a nosa leituga. Cada día medra máis e xa estamos pensando na ensalada que nos imos facer con ela.

Está claro que entre as ventás da nosa clase hai un bo clima pero o noso coidado tamén é importante e para que non morran regámolas a miudo. Seguiremos informándovos da súa evolución.


  • Digg
  • Del.icio.us
  • StumbleUpon
  • Reddit
  • Twitter
  • RSS
Read Users' Comments (1)comentarios

LETRAS GALEGAS

Posted in Etiquetas: ,
11:56
O Día das Letras Galegas é unha celebración instaurada pola Real Academia Galega no ano 1963 co fin de homenaxear a aquelas persoas que destacasen pola súa creación literaria en lingua galega ou pola defensa de dita lingua. Cada ano adícase a unha persoalidade diferente, escollida pola Real Academia Galega, tendo en conta que se esixen alomenos dez anos desde o seu falecemento.



A data da celebración, 17 de Maio, débese a que ese mesmo día, pero en 1863, públicase en La Habana o primeiro exemplar de Cantares Gallegos de Rosalía de Castro marcando así o inicio do "Rexurdimento" cultural galego.



Neste ano 2010, o autor homenaxeado é UXÍO NOVONEIRA.



Uxío Novoneira nace o 19 de Xaneiro de 1930 en Parada de Moreda(Folgoso do Courel - Lugo). Novoneira realiza os seus estudios de bacharelato en Lugo e máis tarde marcha a Madrid onde se matricula na Facultade de Letras. Anos despois volvería a Galicia, en concreto a Santiago de Compostela onde establecería a súa residencia ata a súa morte en 1999.



A súa terra natal, O Courel, así como todo o que a rodea sería a súa fonte de inspiración para as súas obras. Algunhas delas son: Os Eidos; O cubil do Xabarín, Gorgorín e cabezón; Ilda, o lobo, o corzo e o xabarín...



Uxío Novoneira traballou tamén na radio e na televisión aínda que a súa gran paixón era escribir. Foi tamén presidente da Asociación de Escritores en lingua galega ata a súa morte.







Aquí vos deixamos un pequeno traballo que fixemos ao longo da semana pasada sobre o UXÍO NOVONEIRA.



  • Digg
  • Del.icio.us
  • StumbleUpon
  • Reddit
  • Twitter
  • RSS
Read Users' Comments (1)comentarios

A NOSA LEITUGA

Posted in Etiquetas:
12:28
















Aínda que non o poidades crer, esta é a leituga que plantamos na Casa do Queixo o pasado 12 de Abril.
Descubrimos que entre as ventás da nosa aula hai un micro-clima que facilita o seu crecemento, eso si, non deixamos de regala.
Quen sabe se en breves poderemos facer unha deliciosa ensalda con ela!!!!!
Seguiremos informándovos da súa evolución.
  • Digg
  • Del.icio.us
  • StumbleUpon
  • Reddit
  • Twitter
  • RSS
Read Users' Comments (2)

GRAZAS A TOD@S

Posted in
8:13
Flower Text - ImageChef.com

Chegamos ás 3.000 visitas!!!. Non foi un camiño fácil pero nel sentímonos moi respaldados por pais, nais, compañeir@s, outros profes e outras persoas que de vez en cando entrades na nosa xaneliña para ver o que andamos a facer.

Sabemos que non vos gusta moito deixar comentarios pero unha vez máis animámosvos a que o faigades xa que a nós fainos moita ilusión cando temos algún novo.

Bueno, aínda quedan dous meses de curso así que confiamos en poder ampliar ese número e lembrade que sen vós, este blogue non tería sentido. MIL GRAZAS!!!
  • Digg
  • Del.icio.us
  • StumbleUpon
  • Reddit
  • Twitter
  • RSS
Read Users' Comments (1)comentarios

DÍA DO LIBRO

Posted in Etiquetas: ,
13:55

O 23 de Abril conmemórase o falecemento de 3 escritores: o español Miguel de Cervantes y Saavedra, o inglés William Shakespeare e o cronista Garcilaso de la Vega. Por este motivo a Unesco, no ano 1995, aprobou proclamar o 23 de Abril de cada ano o "Día Mundial do Libro e dos Dereitos de Autor".
En España a xornada comezouse a celebrar oficialmente o 7 de Outubro de 1926, en conmemoración do nacemento do autor de "El Quijote".
No 1930, a data trasládase ao 23 de Abril, día do falecemento do citado autor, Cervantes.
Finalmente foi o 15 de Novembro de 1995 cando a Unesco proclamou ese día como o "Día Internacional do Libro e dos Dereitos de Autor".
No noso país, este mesmo día, entrégase o Premio Miguel de Cervantes.
Ademáis esta xornada é aproveitada por moitos autores para promocionar o seu último libro. Tamén os editores e libreiros acostuman facer descontos especiais na venta de libros.
Como nota curiosa, dicir que en Cataluña celébrase o Día do Libro de maneira especial ao coincidir coa celebración de "Sant Jordi". É costume que os homes agasallen ás mulleres con rosas e elas a eles con libros.
E agora que xa sabedes algo máis do Día do Libro, espero que, polo menos mañá, lle adiquedes un momento á lectura. No cole intentaremos facer algo especial para conmemoralo.
  • Digg
  • Del.icio.us
  • StumbleUpon
  • Reddit
  • Twitter
  • RSS
Read Users' Comments (1)comentarios

CERTAME DE NARRACIÓN E DEBUXO INFANTIL - LETRAS GALEGAS 2010

Posted in Etiquetas:
13:17
A Biblioteca Pública Municipal de Mondoñedo convoca o CERTAME DE NARRACIÓN E DEBUXO INFANTIL LETRAS GALEGAS 2010 (Fase Local), de acordo coas seguintes bases:
1.- Poden participar tódolos nenos con:
  • Narracións, en galego, cunha extensión máxima dun folio por unha soa cara, sobre o tema: a cidade.
  • Debuxos: feitos sobre cartolina de tamaño aproximado de DIN A4, sobre o tema: a cidade.

2.- Cada autor pode presentar cantos traballos desexe, acompañando cada un deles cunha folla cos seus datos persoais.

3.-Establécense 3 categorías: A, ata 8 anos, B de 9 a 11 anos, C de 12 a 16 anos.

4.- O prazo de presentación dos traballos rematará o vindeiro 6 de maio, debendo ser entregados polos seus autores na BIBLIOTECA MUNICIPAL.

5.- O xurado, formado por persoas entendidas na materia, selecionará por cada modalidade e categoría un máximo de 3 traballos.

6.- Os traballos premiados nesta fase local participarán na fase provincial do Certame, convocado pola Biblioteca Pública de Lugo, co patrocinio da Consellería de Cultura e Deporte da Xunta de Galicia.

7.- O fallo do xurado local farase público antes do DIA DAS LETRAS GALEGAS.

Animádevos a participar Golfiñ@s, a vosa modalidade sería a de Debuxo. Se queredes a folla dos datos persoais non tedes máis que pedirma.

  • Digg
  • Del.icio.us
  • StumbleUpon
  • Reddit
  • Twitter
  • RSS
Read Users' Comments (1)comentarios
Suscribirse a: Entradas (Atom)